«Жаңа Конституция – педагогтің құқықтық мәдениеті және азаматтық жауапкершілігі»

   2026 жылдың 1 шілдесінде балабақшамызда «Жаңа Конституция – педагогтің құқықтық мәдениеті және азаматтық жауапкершілігі» тақырыбында дөңгелек үстел ұйымдастырылды.

     Іс-шараның мақсаты – Қазақстан Республикасы Конституциясындағы білім беру, бала құқықтары және педагог мәртебесіне қатысты негізгі қағидаларды талқылау, педагогтердің құқықтық сауаттылығын арттыру және мектепке дейінгі ұйымдарда құқықтық-патриоттық тәрбиені жүйелі ұйымдастыру.

    Дөңгелек үстел барысында қатысушылар Конституцияның қоғамдағы маңызы, педагогтің құқықтары мен міндеттері, бала құқықтарын қорғау және азаматтық жауапкершілік мәселелері бойынша пікір алмасты. Өзара тәжірибе бөлісіп, кәсіби ой-пікірлерін ортаға салды.

Осындай тағылымды кездесулер педагогтердің құқықтық мәдениетін нығайтып, кәсіби жауапкершілігін арттыруға және жас ұрпаққа сапалы тәрбие мен білім беруге ықпал етеді.

🇰🇿 Конституция – Тәуелсіздігіміздің тұғыры, заң үстемдігі мен әділетті қоғамның кепілі!